ఎడబాయని, విడనాడని దేవుడు (కీర్తనలు 94 నుండి ధ్యానము)

దేవునిగూర్చిన వర్ణన :
    భూలోక న్యాయాధిపతి, బలపరచు కృపగల దేవుడు, గొప్ప ఆదరణతో నెమ్మదికలుగజేయు దేవుడు, ఎత్తయిన కోట, ఆశ్రయదుర్గము. (:2, 18, 19, 22)

భక్తిహీనులు :
   వారు వదరుచు కఠోరమైన మాటలు పలుకుచున్నారు దోషము చేయువారందరు బింకములాడు చున్నారు.
 యెహోవా చూచుటలేదు యాకోబు దేవుడు విచారించుటలేదు అనుకొని యెహోవా, వారు నీ ప్రజలను నలుగగొట్టుచున్నారు నీ స్వాస్థ్యమును బాధించుచున్నారు విధవరాండ్రను పరదేశులను చంపుచున్నారు తండ్రిలేనివారిని హతముచేయుచున్నారు. (:4-7)

 అట్టివారు  పశుప్రాయులు బుద్ధిహీనులు  (:8)

భక్తిహీనులపై దేవుని చర్య:
                   ఆయన వారిదోషము వారిమీదికి రప్పించును వారి చెడుతనమునుబట్టి వారిని సంహరించును. మన దేవుడైన యెహోవా వారిని సంహరించును. (:23)

ప్రశ్నలు:
     చెవులను కలుగచేసినవాడు వినకుండునా? 
     కంటిని నిర్మించినవాడు కానకుండునా? 
    అన్యుజనులను శిక్షించువాడు మనుష్యులకు తెలివి నేర్పువాడు దండింపకమానునా? 
   నరుల ఆలోచనలు వ్యర్థములని యెహోవాకు తెలిసి యున్నది.  (:9-11)

అవును, దేవునికి మనము పలుకు ప్రతిమాట, చేయు ప్రతి కార్యము, ప్రతి ఆలొచన తెలియును. ఆఅయన శిక్షించును, తెలివి నేర్పించును, దండించును.

యెహోవా, నీవు శిక్షించువాడు నీ ధర్మశాస్త్రమును బట్టి నీవు బోధించువాడు ధన్యుడు.  (:12)

దేవుని వాగ్ధానములు:

     నీతిమంతుల కష్టదినములను పోగొట్టి వారికి నెమ్మది కలుగజేయుదువు. 

     యెహోవా తన ప్రజలను ఎడబాయువాడు కాడు తన స్వాస్థ్యమును విడనాడువాడు కాడు. 

విశ్వాసి అనుభవము:

     నాకాలు జారెనని నేననుకొనగా యెహోవా, నీ కృప నన్ను బలపరచుచున్నది. 

    నా అంతరంగమందు విచారములు హెచ్చగా నీ గొప్ప ఆదరణ నా ప్రాణమునకు నెమ్మది కలుగ జేయుచున్నది. (:18, 19)

   యెహోవా నాకు ఎత్తయిన కోట నా దేవుడు నాకు ఆశ్రయదుర్గము. (:22)

   -   డేవిడ్ నల్లపు(సువార్తికులు, మిసనరీ - అగాపే మినిస్ట్రీస్ ఇంటర్నేష్నల్)